Vi maj phure kerdyilam, dore vi maj godyavera?
O Deloro zhanel numa. Kon trajisaras haj reslam kado dyes, kado bersh, kodol zhanen ame zhanas, ke o Del kamel ame anda kode sam inke.
No ashunen so phenel tumaro phuro phral! O Del kodi mangel, haj zhukarel tumendar kon biri, - te zhutij.
O rom kasavo sas, de sar traji pe kadi phuv: zhutijas, kamelas, e manushen, e phralen haj jekhavren. Akanak bisterdyile pa jekhavreste. Palpale trubuj te boldas ame, JEKHAVRESTE!
Ke te na, shaj bunusarasa... Ke dikhen feri so pecipe, krujal karing godi. Lokhores sa - sa zhastar amenge. Pala kodi shaj rodasa jekhavres de feri ando cheri maladyuvasa.
Pej phuv trubuj lashe te avas, ke te na, - hasajvasa!!! Mangav e Devles te del tume ande tumaro jiloro zorr, te shaj zhutin pe jekhavreste, haj te del tume o Del baro dyi,te shaj bolden tume palpale jekhavreste.
Ando nyevo bersh te del tume o Del sastyipe, zorr, lungo trajo!
Tumaro phral: o Rostás - Farkas György
(Illusztráció: F. Tóth Zsuzsa grafikája)