Mure lashe Phral, Phenyale patyivale!

Tumende dav duma phenav e shukar paramicha. "Jokhar sas, sas kaj nas, jekh bari chikenalyi bokolyi, haj jekh piri pherde shax. Ande muri godyi avilas tela zeleno vesh e but rom, e cherhara  beshenas, khelenas, haj gilyabenas..."

O Phuro, o Papo e paramicha phenlas, haj e shavora feri dikhenas. So te phenav tumenge, pushelas o Phuro,  sar po cheri dikhelas, haj e paramicha phenlas.

Tela pesko lungo trajo vi vov kadi ashunlas,  Lendar sityilas, haj vi vov feri kadal hatyarlas, de kadal zhurales.

Ande kodi phenav vi me tumenge, te hatyaren e vorba e dulmutani, e chachi. Ande amare paramichi trajuvas majdur.

But shela bersh kana pel droma phirasas, trajinasas pa kadal sakon zhanelas. E paramicha phenlas muro Papo, haj muro Dadoro anda pengo jilo. Kadi sityilom lendar  Aba nachile kadal dulmutane vrami, sar e bulhe droma pa save avilam ande thema.

Kathe ashilam ando Ungro,  haj kathe barardam opre amare shavoren. Len sama pe jekhavreste, pe amare sune, ke naj ame kaver so shaj das jekhavreske.

Palpale trubuj te zhas ande dulmutane bersha, kana e rom haj e manusha patyivinas, haj kamenas jekhavres. Tubuj  te avel ame vrama pe jekhavreste, te boldas ame palpale jekhavreste.

E terne trubuj te pinzharen e phure butya, so ando trajo inkerdas amen. Kade shaj grizhin amare sune, sar amelam sama pe amare. O Del te zhutij tumen sastyimasa, zorasa haj pachasa.