Adyes si e mulengo dyes, so ande amaro jilo hatyaras zurales. Von ashile amare pe kado dyes gindisaras pe lende. Phabaras memelyi te abjol sar lengo dyi. But gindi pe lende, ke aba naj maskar amende.
Trubuj te grizhi o manush o kamipe, ke bi kodo nashtig traji o dyi, ke bi sherojipe chi avla zuralo o kamipe. Len sama pe kadal shukar butya, ke kadal inkren ame romeske andej luma.
Sikaven o drom o kamipe vi tumare shavorenge, ke kade kerna kodi so perelpe. Ashunen vorba, sirma, but shela bersh gelam pel droma, haj chi bisterdyilam pa kadal butya.
Na feri pe kadal dyesa, sako dyes gindin pe nyamura. Te aven amare mule sagda amaro jilo, sako dyes te serosaras pe lende. Te sityuvas anda lengo trajo, sar von grizhinas amenca o kamipo.
Kas kamel o manush kodo chi merel, traji punej lumaj e luma!